Category: खेलकुद

पवन औजी ।
कंचनपुर – आईसीसी विश्वकप क्रिकेट लिग–२ अन्तर्गत नेपालले आज क्यानडासँग खेल्दैछ ।

आईसीसी विश्वकप क्रिकेट लिग–२ अन्तर्गत नेपालले सनिवार क्यानडासँग खेल्दैछ । खेल नेपाली समयअनुसार बिहान सवा ११ बजे शुरु हुनेछ ।

ओमानमा यसअघि आफ्ना दुई खेलमा लगातार जित निकालेको नेपालको ३४ खेलमा २८ अंक छ । अब शीर्ष–६ भित्र पर्न नेपालले बाँकी २ मध्य कम्तिमा एउटा जित्नुपर्नेछ । नेपालले अन्तिम खेल अघि नै शीर्ष–६ मा पर्न आज क्यानडालाई हराउनुपर्ने हुन्छ ।

आज पराजित भएमा नेपालले अन्तिम खेलमा ओमानलाई हराउनैपर्ने दबाब हुनेछ । शीर्ष–६ मा रहे एकदिवसीय मान्यता जोगिनेछ । लिग–२ अन्तर्गत अस्ति बिहीबारको खेलमा ओमानलाई ५८ रनले पराजित गर्दै क्यानडाले पनि शीर्ष–६ को सम्भावनालाई जीवितै राखेको छ । उसको ३५ खेलमा २७ अंक छ ।

अहिले अंकतालिकामा नेपाल छैठौं, क्यानडा सातौं र युएई अन्तिम आठौँ स्थानमा छ । क्यानडाको आज अन्तिम खेल हो भने नेपालले लिग–२ श्रृङखलाको अन्तिम खेल पर्सि सोमबार ओमानसँग खेल्नेछ ।

पाकिस्तानका बलर उसामा मिर नेपाल प्रिमियर लिग (एनपीएल) खेल्न नेपाल आउने भएका छन् ।

एनपीएलको टोली चितवन राइनोजले तेस्रो संस्करणका लागि मिरलाई अनुबन्ध गरेको सामाजिक सञ्जालमार्फत जनाएको छ ।

३० वर्षीय मिरले पाकिस्तानका लागि ५ टी–२० अन्तर्राष्ट्रिय क्रिकेटमा ५ विकेट लिएका छन् । यस्तै उनले समग्र टी–२० क्रिकेटमा १९२ खेलमा २३१ विकेट लिएका छन् ।

उसामा मिरसँग बिग बाश लिग (बीबीएल), क्यारेबियन प्रिमियर लिग (सीपीएल), पाकिस्तान सुपर लिग (पीएसएल), बङ्गलादेश प्रिमियर लिग (बीपीएल) जस्ता टी–२० लिग खेलेको अनुभव छ ।

एनपीएलको तेस्रो संस्करणका लागि फ्रेन्चाइजी टोलीहरूले धमाधम विदेशी खेलाडीहरू अनुबन्ध गरिरहेका छन् ।

काठमाण्डाै – नेपाल प्रिमियर लिग (एनपीएल) काे तेस्राे संस्करणमा डीआरएस प्रविधि प्रयोगमा ल्याउने तयारी भएको छ ।

नेपाल क्रिकेट सङ्घ (क्यान) ले आयोजना गर्न लागेको प्रतियोगितामा निर्णय पुनरावलोकन प्रणाली (डीआरएस) भित्र्याउनेबारे अहिले छलफल केन्द्रित छ ।

क्यानका सचिव पारस खड्काकाअनुसार यो अत्याधुनिक प्रविधिलाई प्रतियोगितामा समावेश गर्न झन्डै डेढदेखि २ करोड रुपैयाँसम्म खर्च लाग्ने अनुमान छ । यस विषयमा छिट्टै औपचारिक घोषणा गरिने सचिव खड्काले बताउनुभएको छ ।

डीआरएस प्रविधि जडानका लागि लाग्ने खर्चकाे व्यवस्थापन क्यान र सहभागी आठ वटै फ्रेन्चाइजी टोलीले संयुक्त रूपमा वहन गर्ने योजना छ । कमर्सियल मिडिया राइट्सबाट आउने ५० प्रतिशत आम्दानी बाँडफाँटको हिस्साबाट यो खर्च समायोजन गरिनेछ । यसले गर्दा कुनै एकल पक्षमाथि आर्थिक भार नपर्ने सचिव खड्काको भनाइ छ ।

अहिले छलफल मात्रै भइरहेको र यसबारे आधिकारिक निर्णय प्रक्रिया पूरा भएपछि मात्र सार्वजनिक गरिने उहाँकाे भनाइ छ ।