आईसीसी विश्वकप क्रिकेट लिग–२ अन्तर्गत नेपालले आज क्यानडासँग

पवन औजी ।
कंचनपुर – आईसीसी विश्वकप क्रिकेट लिग–२ अन्तर्गत नेपालले आज क्यानडासँग खेल्दैछ ।

आईसीसी विश्वकप क्रिकेट लिग–२ अन्तर्गत नेपालले सनिवार क्यानडासँग खेल्दैछ । खेल नेपाली समयअनुसार बिहान सवा ११ बजे शुरु हुनेछ ।

ओमानमा यसअघि आफ्ना दुई खेलमा लगातार जित निकालेको नेपालको ३४ खेलमा २८ अंक छ । अब शीर्ष–६ भित्र पर्न नेपालले बाँकी २ मध्य कम्तिमा एउटा जित्नुपर्नेछ । नेपालले अन्तिम खेल अघि नै शीर्ष–६ मा पर्न आज क्यानडालाई हराउनुपर्ने हुन्छ ।

आज पराजित भएमा नेपालले अन्तिम खेलमा ओमानलाई हराउनैपर्ने दबाब हुनेछ । शीर्ष–६ मा रहे एकदिवसीय मान्यता जोगिनेछ । लिग–२ अन्तर्गत अस्ति बिहीबारको खेलमा ओमानलाई ५८ रनले पराजित गर्दै क्यानडाले पनि शीर्ष–६ को सम्भावनालाई जीवितै राखेको छ । उसको ३५ खेलमा २७ अंक छ ।

अहिले अंकतालिकामा नेपाल छैठौं, क्यानडा सातौं र युएई अन्तिम आठौँ स्थानमा छ । क्यानडाको आज अन्तिम खेल हो भने नेपालले लिग–२ श्रृङखलाको अन्तिम खेल पर्सि सोमबार ओमानसँग खेल्नेछ ।