कञ्चनपुरमा लागुऔषध खैरो हेरोइन सहित एक जना पक्राउ

पवन औजी

कञ्चनपुर – कञ्चनपुरमा लागुऔषध खैरो हेरोइन सहित एक जनालाई पक्राउ गरिएको छ। शनिबार साँझ कञ्चनपुरको भीमदत्त नगरपालिका ४, चम्मचोकस्थित न्यु तहल्का होटल एण्ड लजबाट कञ्चनपुरको बेदकोट नगरपालिका(७ का ३४ वर्षीय मनोजराज भट्ट पक्राउ गरिएको हो ।

होटलमा खैरो हेरोइन सेवन गरिरहेको अवस्थामा फेला परेका भट्टको साथबाट ३ ग्राम खैरो हेरोइन बरामद गरिएको प्रहरीले जनाएको छ।

लागुऔषधको कारोबार भइरहेको भन्ने गोप्य सूचनाका आधारमा लागुऔषध नियन्त्रण ब्युरो, शाखा कार्यालय महेन्द्रनगर र जिल्ला प्रहरी कार्यालय कञ्चनपुरबाट खटिएको संयुक्त प्रहरी टोलीले उनलाई नियन्त्रणमा लिएको थियो। उनीमाथि थप अनुसन्धान भइरहेको प्रहरीले जनाएको छ।