कैलालीमा दुई लाख घुस रकमसहित विद्यालय व्यवस्थापन समितिका सदस्य पक्राउ परेका छन् । पक्राउ पर्नेमा गौरीगंगा नगरपालिका –४ को कालिका माध्यमिक विद्यालय व्यवस्थापन समितिका सदस्य देवबहादुर बम रहेका छन्।
उहाँलाई अख्तियार दुरुपयोग अनुसन्धान आयोगको कार्यालय महेन्द्रनगरबाट खटिएको टोलीले बिहीबार घुस रकमसहित रंगेहात नियन्त्रणमा लिएको हो । सोही क्रममा उहाँलाई धनगढी –१ मा रहेको डेरी पसलबाट रकमसहित नियन्त्रणमा लिइएको हो।
अख्तियार कार्यालय महेन्द्रनगरका सूचना अधिकारी चेतराज भट्टले बमले विद्यालयमा कार्यरत कर्मचारीको पारिश्रमिक रकम वृद्धि गर्ने लोभ देखाएर रकम लिएको बताउनुभयो। उहाँलाई नियन्त्रणमा लिएर थप सोधपुछ तथा अनुसन्धान भइरहेको अख्तियारका अधिकारीको भनाइ छ ।
